[Scene 1: DSP Ananya ka Office - Tension ka Mahaul]

Ananya ne phone table par de maara. Rudransh ka phone abhi bhi 'Not Reachable' tha. Uske dimaag mein wo laal🔴 rang se likha message goonj raha tha:

"Your protector won't be able to save himself."

Ananya ne Constable Kaka ko awaaz di, par unke aane se pehle hi uske cabin ka darwaza dhaka dekar khula.

Bahar Aaryan (Rudransh ka bhai) khada tha, uske chehre par paseena tha aur haath kaanp rahe the.

Aaryan: "Bhabhi! Bhai... Bhai ghar nahi pahunche. Unki gaadi city ke baahar bypass par khali mili hai. Guards behosh hain!"

Ananya ek pal ke liye thamm gayi, par agle hi pal uski 'Officer Instinct' ne control le liya. Usne apni gun 🔫 check ki aur holster mein daali.

Ananya: "Aaryan, shaant ho jaao. Ishani ko call 🤙🏻 karo aur kaho ki Kiara aur Mummy-Papa ko lekar hamare purane farmhouse chali jaye. Wahan security zyada hai. Aur tum... mere saath aao."

[Scene 2: Bypass Highway - Accident ka Scene]

Ananya aur Aaryan wahan pahunche jahan Rudransh ki Rolls Royce khadi thi. Sheeshe tute hue the, par wahan khoon ka ek katra bhi nahi tha. Ananya ne niche jhuk kar sadak ka muayna kiya. Usne dekha ki tires ke nishaan ajeeb hain.

Ananya: (Internal Monologue) "Ye kidnapping nahi hai. Ye ek message hai. Rudransh ko uthane ke liye itni safai... ye koi sadharan gunda nahi kar sakta."

Ananya ne gaadi ke dash-board ke niche ek chota sa 'Hidden Compartment' dekha. Usne usey khola toh andar ek sophisticated device tha jo 'blink' kar raha tha.

Aaryan: "Ye kya hai, Bhabhi?"

Ananya: "Ye ek signal jammer hai. Rudransh ne ise khud lagaya hoga. Wo jaanta tha ki us par hamla hone wala hai. Aaryan, tumhare bhai ne mujhe kabhi nahi bataya ki unhe 'Military Grade' jamming technology ki samajh hai."

Ananya ne apne phone se ek secret app khola. Uski aankhein chamki.

Ananya: "Rudra ne mujhse kaha tha ki agar kabhi wo gayab ho jaye, toh mujhe uski ghadi (watch ⌚) trace karni hai. Par wo ghadi GPS se nahi, balki ek 'Pulse Frequency' par chalti hai jo sirf mere phone se connect hai."

[Scene 3: An Unlikely Location - The Old Textile Mill]

Ananya signal ko follow karte hue shehar ke ek purane, band padi textile mill ke paas pahunchi. Usne Aaryan ko gaadi mein rehne ko kaha aur akele andar chali gayi. Andar andhera tha, par usey kisi ke saans lene ki awaaz aayi.

Jaise hi usne apni torch jalayi, usne dekha ki Rudransh ek kursi par baitha tha. Par wo bandha hua nahi tha! Uske haath mein ek tablet tha aur uske saamne teen log zameen par ghutno ke bal baithe the, unke sar par kapda bandha tha.

Ananya thamm gayi. Ye woh Rudransh nahi tha jo party mein flirt kar raha tha. Iske chehre par ek aisi thandak thi jo Ananya ne sirf bade criminals mein dekhi thi.

Ananya: "Rudransh?"

Rudransh ne sar uthaya. Usne tablet side mein rakha aur khada ho gaya. Uske chehre par ek choti si muskurahat 😊 aayi, par uski aankhein abhi bhi shatir thin.

Rudransh: "14 minute, 22 seconds. Aapne mujhe dhoondhne mein thoda zyada waqt laga diya, DSP Sahiba."

Ananya: (Gusse mein) 😡"Ye sab kya hai? Aaryan ro raha hai, sab pareshan hain, aur aap yahan... ye kaun hain log?"

Rudransh: "Ye 'The Architect' ke bheje hue log hain. Inhone meri gaadi roki, mujhe kidnap karna chahte the. Par inhe nahi pata tha ki mere guards ne behosh hone ka 'natak' kiya tha. Inhe main yahan interrogation ke liye laya hoon."

Ananya: "Procedure kahan hai?🤨 Law kahan hai? Rudra, aap ek civilian hain, aap ye nahi kar sakte!"

Rudransh: (Ananya ke ek dam kareeb aakar) "Ananya, jab dushman kanoon tod kar aapke ghar mein ghusta hai, toh kanoon ka intezar karne wale 'shaheed' ho jate hain. Main shaheed hone ka shauk nahi rakhta. Maine inka 'Architect' trace kar liya hai."

[Scene 4: The Twist - The Architect's Face]

Rudransh ne tablet Ananya ki taraf ghumaaya. Usme ek dhundhli si video 📷 chal rahi thi. Ek aadmi mask pehne baitha tha, par uske haath mein ek angoothi (ring) thi jo Ananya ko jaani-pechani lagi.

Ananya ka saans ruk gaya. Woh angoothi 💍... woh uske department ke ek Senior Officer ki thi jo pichle saal ek encounter mein maara gaya tha... ya shayad maara gaya dikhaya gaya tha.

Ananya: "IG Vardhan? Par wo toh... wo toh mere mentor the!"

Rudransh: "Wahi toh twist hai, Ananya. Aapka mentor hi aapka sabse bada dushman hai. Wo mara nahi hai, wo system ke andar baith kar system ko kha raha hai. Aur usey khatam karne ke liye humein 'Uniform' aur 'Suit' dono ki zaroorat padegi."

Tabhi, mill ke baahar se police ke sirens ki awaaz aayi. Par Ananya ne toh backup nahi mangwaya tha!

Ananya: "Rudra! Police yahan kaise?"

Rudransh: "Wo police nahi hai, Ananya. Wo Vardhan ke bheje hue gunde hain jo police ki vardi mein aaye hain. Unka maqsad hum dono ko yahi khatam karna hai."

Ananya ne apni gun nikaali aur magazine check ki. Usne Rudransh ki taraf dekha.

Ananya: "Toh... deal pakki? Aapka dimaag aur meri goliyaan?"

Rudransh: (Sly smile) 😊"Exactly. Chaliye, hamari 'Pre-Engagement' ki asli party ab shuru hogi."

[Scene 5: The Action Sequence]

Dono ne mill ke tute hue khambe ka sahara liya. Bahar se firing shuru ho chuki thi. Ananya ne ek-ek karke nishana lagaya, par Rudransh ne dikhaya ki wo bhi piche nahi hai. Usne ek chota sa 'Explosive Device' nikaala aur usey mill ke entrance par set kar diya.

Ananya: "Aapke paas explosives kahan se aaye?!"

Rudransh: "Mining business bhi hai mera, yaad hai na? Thoda bohot 'Samples' rakhta hoon."

BOOM 💥!

Dhamake ke saath mill ka darwaza ud gaya. Ananya ne dhuen ka faayda uthaya aur bahar nikal kar ek-ek gunde ko dhool chatai. Rudransh ne ek gunde ki gun cheen kar usey handle kiya.

Jab sab shaant hua, dono haanp rahe the, dhuen aur barood ke beech khade the.

Ananya: "Aap... aap kaafi achha ladd lete hain."

Rudransh: "Aur aap... aap ki black 🖤 saree se zyada ye 'Action' mode mujhe pasand aaya."

Tabhi Aaryan bhagta hua aaya, par uske peeche Ishani aur Kiara bhi thin.

Ishani: "Di! Aap dono thik toh hain? Humne dhamaka suna!"

Ananya: (Gusse mein😡) "Tum log yahan kya kar rahe ho? Maine farm-house jaane ko kaha tha!"

Kiara: "Humne socha agar 'Power Couple' fight kar raha hai, toh 'Support System' ko peeche nahi rehna chahiye."

Ending Note of Episode 5:

Ananya ne mehsoos kiya ki uska parivaar aur Rudransh ka parivaar ab alag-alag nahi the. 'The Architect' ne unhe todne ki koshish ki thi, par usne unhe ek dusre ke aur kareeb la diya tha. Par sabse bada sawaal ye tha-IG Vardhan zinda kaise hai?

For spoiler

Insta id - author_radhii